Polşa ABŞ-dən 486 ədəd HIMARS almaq üçün müqaviləni təsdiqlədi

Polşanın müdafiə naziri Mariuş Blaşçak ABŞ-dən dəyəri 10 milyard dollar olan 486 ədəd HIMARS reaktiv yaylım atəşi sistemlərinin alınması və ölkə ordusuna çatdırılması üçün çərçivə müqaviləsini təsdiqləyib.

Busaat.az xəbər verir ki, bu barədə Blaşçakın və Polşa Müdafiə Nazirliyinin X hesablarında yerləşdirilən məlumatda bildirilib.

“HIMARS düşməni çəkindirəcək bir zərbə qüvvəsi təşkil edəcək. Bu, bizi təhlükəsiz saxlayacaq bir ehtiyacdır”,- Blaşçak yazıb.

Nazirliyin yaydığı məlumatda bildirilirdi ki, Polşa ordusunda əvvəllər ABŞ-dən sifariş edilənlər də daxil olmaqla, ümumilikdə 500 HIMARS olacaq.

“Nazir Blaşçak 486 ədəd HIMARS reaktiv yaylım atəşi sistemlərinin ölkə ordusuna təhvil verilməsi ilə bağlı sazişi təsdiqləyib. ABŞ tərəfi də texniki dəstək verəcək. Təsdiqlənmiş cədvələ əsasən, çatdırılmanın başlanması 2025-ci ildə  gözlənilir”,- nazirliyin açıqlamasında qeyd olunub.

Bu arada, Polşa mətbuatında çıxan xəbərlərə görə, HIMARS-ın təxmini dəyəri 10 milyard dollar olaraq hesablanır.