Prezident: "Cənubi Sudan Rusiya ilə dostluğa alternativ görmür"

Cənubi Sudan hakimiyyəti Rusiya ilə dostluğa alternativ görmür və Moskva ilə əməkdaşlığı inkişaf etdirmək niyyətindədir.

Busaat.az TASS-a istinadən xəbər verir ki, bu barədə prezident Salva Kiir Mayardit bildirib.

“Belə səmimi və mehriban qəbula görə şadam. Mənim burada olmağım gələcəkdə birgə işimizin uzun yolunda ilk addım deməkdir. Biz Rusiya Federasiyası ilə birlikdə çalışacağıq və buna görə də buradayam”, – o rusiyalı həmkarı Vladimir Putinlə görüşdə deyib.

O vurğulayıb ki, Cuba Moskva ilə dostluğa alternativ görmür.

“Biz sizinlə və Rusiya Federasiyası ilə birlikdə işləyəcəyik. Çünki bu gün dünyada mövcud vəziyyət göstərir ki, sağ qalmaq, təkbaşına uğur qazanmaq mümkün deyil və ölkəmiz də istisna deyil. Biz bu planetin ən gənc millətiyik və bizim ən nüfuzlu dostlarımız olmalıdır, siz onlardan birisiniz. Və biz sizinlə dost olmaqdan başqa heç bir alternativ görmürük”, – prezident əlavə edib.