Polşada keçirilən prezident seçkilərində heç bir namizəd 50 faizdən çox səs toplaya bilməyib.
Busaat.az xəbər verir ki, bu səbəbdən ölkədə ikinci tur prezident seçkiləri keçiriləcək.
Məlumata görə, səslərin 95,2 faizi hesablanıb. Hakim “Vətəndaş Platforması” Partiyasının namizədi Rafal Trzaskowski 31,2 faiz, müxalif “Hüquq və Ədalət” Partiyasının namizədi Karol Nawrocki isə 29,7 faiz səs toplayaraq ikinci tura vəsiqə qazanıb.
Qeyd edək ki, ikinci tur iyunun 1-də keçiriləcək. Ölkədə seçici fəallığı 66,8 faiz təşkil edib. Polşada prezident seçkiləri beş ildən bir keçirilir və bir şəxs maksimum iki dəfə prezident seçilə bilər.
Nərmin Səmidova
Busaat.az
