Rusiya prezidenti Vladimir Putin günortadan sonra “Rusiya-Latın Amerikası” Parlament Konfransının iştirakçıları qarşısında çıxış edəcək.
Busaat.az xəbər verir ki, bu barədə Kremlin mətbuat katibi Dmitri Peskov bildirib.
“Putin günortadan sonra “Rusiya – Latın Amerikası” Beynəlxalq Parlament Konfransının iştirakçılarına nitqlə müraciət edəcək”, – spiker deyib.
Sentyabrın 29-dan oktyabrın 2-dək Moskvada “Rusiya – Latın Amerikası” adlı birinci beynəlxalq Parlament Konfransı keçirilir. Konfrans çərçivəsində Rusiya ilə Latın Amerikası arasında bərabərhüquqlu və qarşılıqlı faydalı iqtisadi əməkdaşlığa və humanitar əlaqələrin inkişafına həsr olunmuş dəyirmi masalar keçiriləcək.
