Ermənistanın ABŞ ilə keçirdiyi hərbi təlimdən sonra Vladimir Putin Ermənistanın çoxdankı müttəfiqi Rusiya ilə əlaqələrini kəsməsi ilə bağlı iddiaları təkzib edib.
Busaat.az xəbər verir ki, bu barədə TRT Haber məlumat yayıb.
“Ermənistan administrasiyası Praqada imzaladığı sənədlə Azərbaycanın Qarabağ üzərində suverenliyini tanıyıb.
Ermənistan administrasiyası 1991-ci il sərhədlərini tanıdıqlarını və Qarabağın Azərbaycanın bir hissəsi olduğunu tanıdıqlarını açıqlayıb.
Əgər Ermənistan Azərbaycanın Qarabağ üzərində suverenliyini tanıyıbsa, Qarabağın statusunu müzakirə etməyin mənası yoxdur. Qarabağdakı vəziyyəti İrəvanın özü müəyyən edir”,- Putin vurğulayıb.
“Bizim Ermənistanla heç bir problemimiz yoxdur, Paşinyanla problemimiz yoxdur, onunla daim təmasdayıq”,- o söyləyib.
İrəvan Moskvanı həm Ermənistan, həm də Qarabağ bölgəsinin etnik erməni əhalisi qarşısında götürdüyü öhdəlikləri yerinə yetirməməkdə ittiham edir.
