Rusiya Prezidenti Vladimir Putin tacikistanlı həmkarı Emoməli Rəhmonu 71 illik yubileyi münasibətilə təbrik edərək, onun həm iki ölkə arasında münasibətlərin möhkəmlənməsinə, həm də beynəlxalq təşkilatların bir hissəsi kimi şəxsi töhfəsini alqışlayıb.
Bu barədə Putinin Tacikistan prezidentinin saytında yerləşdirilmiş təbrik məktubunda deyilir:
“Ölkələrimiz arasında strateji tərəfdaşlıq və müttəfiqliyin möhkəmlənməsinə, o cümlədən KTMT, MDB və ŞƏT çərçivəsində qarşılıqlı faydalı əlaqələrin genişlənməsinə şəxsi töhfəniz həqiqətən böyükdür. Mən Rusiya-Tacikistan münasibətlərinin aktual məsələləri üzrə konstruktiv dialoqumuzu və sıx əməkdaşlığımızı davam etdirməkdən şad olaram”, – mətndə qeyd olunub.
Putinin sözlərinə görə, Rahmon uzun müddət Tacikistanın rəhbəri kimi həm həmvətənlərinin hörmətini, həm də xaricdə yüksək reputasiya qazanıb.
Rusiya prezidenti Rəhmona cansağlığı, firavanlıq və uğurlar arzulayıb:
“Sizin rəhbərliyiniz altında Tacikistan iqtisadi və sosial inkişaf yolunda sabit addımlarla addımlayır, regional və beynəlxalq problemlərin həllində mühüm rol oynayır”, – təbrikdə bildirilib.
