Kreml Sarayı Ukraynanın çərşənbə gecəsi Rusiya prezidenti Vladimir Putinin Kreml iqamətgahına PUA ilə hücuma cəhd etdiyini açıqlayıb.
Busaat.az xəbər verir ki, açıqlamada deyilir:
“İki pilotsuz təyyarə Kremli hədəfə alıb. Hərbi və xüsusi xidmət orqanlarının radar idarəetmə sistemlərindən istifadə etməklə vaxtında gördüyü tədbirlər nəticəsində pilotsuz təyyarələr sıradan çıxarılıb”, – Kremlin bəyanatında deyilir.
“Rusiya tərəfi istədiyi vaxt və hər yerdə cavab zərbəsi endirmək hüququnu özündə saxlayır. Biz bu hərəkətləri Qələbə Günü ərəfəsində, xarici qonaqların da iştirak edəcəyi 9 May paradında planlaşdırılan terror aktı və Putinə qarşı sui-cəhd kimi qiymətləndiririk. ”, – deyə məlumatda bildirilir.
Putinin hücumda xəsarət almadığı bildirilərkən, onun gündəlik iş rejiminin dəyişmədiyi qeyd edilib.