Qabon Respublika Qvardiyasının komandiri, general Brice Clothaire Oliqui Nguema dövlət çevrilişinin liderlərinə qoşulur.
Busaat.az xəbər verir ki, bu barədə Əl-Cəzirə telekanalı bildirib.
Mənbənin sözlərinə görə, Qabonda həbslər aparılır. Bəzi hökumət üzvləri saxlanılıb və dövlətə xəyanətdə ittiham olunub. Bundan əvvəl AFP xəbər agentliyi Qabon prezidenti Əli Bonqo Ondimbanın ev dustağı olduğunu bildirmişdi. Oğullarından biri də həbs edilib və dövlətə xəyanətdə ittiham olunub.
Respublika Qvardiyasının 2500 əsgəri var. Dövlət başçısının və digər yüksək dövlət məmurlarının müdafiəsini təmin edir. 2019-cu ildə Qvardiyanın bir hissəsi leytenant Kelli Ondo Obianqın başçılıq etdiyi uğursuz çevriliş cəhdində iştirak etmişdi.
