“Vardanyan Ermənistanda siyasi hakimiyyət iddialarını həyata keçirməyə çalışır”.
Bunu milyarder Vardanyanın Rusiya vətəndaşlığından çıxarılmasının səbəblərini aydınlaşdıran politoloq Vüqar Əhmədov Busaat.az-a açıqlamasında deyib.
O, bildirib ki, Vardanyanın Rusiya vətəndaşlığından imtina etməyə bir neçə səbəbi ola bilər:
“Oliqarxlara qarşı tətbiq olunan sanksiya problemindən yayınmaq üçün Vardanyan Rusiya vətəndaşlığından imtina edib. Biznesini Ermənistanda qurmaq istəsə də, Paşinyanla münasibəti pisdir. Ermənistanda dəstək alması real görünmür.
Vardanyan Putinin dəstəyi ilə Qarabağa yerləşərək fəaliyyətini burada davam etdirir. Qarabağ ermənilərinin dəstəyi ilə Ermənistanın siyasi həyatına daxil olmaq istəyən Vardaryan məsələsi prosesləri fonunda Rusiyanın öz maraqları var.
Paşinyanın Qərbyönümlü siyasəti Putini yenidən düşünməyə – onu hakimiyyətdən uzaqlaşdırmağa vadar edir. Vardanyanın Rusiya vətəndaşlığından imtina etməsi erməni cəmiyyətinə inteqrasiyasına hesablanmış addımdır. O, erməni separatçılarının dəstəyini alaraq Qarabağ məsələsini ermənistanda gündəmə çevirmək istəyir. Nəticə etibarilə Vardanyan Ermənistanda siyasi hakimiyyət iddialarını həyata keçirməyə çalışır”.
Qeyd edək ki, Rusiya prezidenti Vladimir Putin artıq Ruben Vardaryanı vətəndaşlıqdan çıxarıb.
Busaat.az/Ələsgər
