Gürcüstanın baş naziri İrakli Qaribaşvili bildirib ki, Gürcüstan ərazisinin 20 faizi Rusiyanın işğalı altındadır.
Busaat.az xəbər verir ki, o, bu barədə Birləşmiş Millətlər Təşkilatının (BMT) Nyu-Yorkda keçirilən 78-ci Baş Assambleyasının iclasında deyib.
Çıxışının əvvəlində Qaribaşvili ölkəsinin yaşadığı ərazi bütövlüyü problemlərinə toxunub və izah edib ki, bu çətinliklərə baxmayaraq, onlar Gürcüstanın inkişafı üçün səmərəli fəaliyyətlərini davam etdirirlər.
Rusiyanın 2008-ci ildə Gürcüstana hücum etdiyini deyən Qaribaşvili ölkəsində yüz minlərlə insanın didərgin düşdüyünü bildirib.
“Gürcüstan ərazisinin 20 faizi hələ də Rusiyanın işğalı altındadır”, – o, deyib.
Qaribaşvili beynəlxalq tərəfdaşları qoşunlarını Gürcüstandan çıxarmaq və Cenevrə danışıqlarına qayıtmaq üçün Rusiyaya təzyiq göstərməyə çağırıb.
