QAZAXISTANDA YENİ HAVA UÇUŞLARI!
Qazaxıstanın hava nəqliyyatında yeni mərhələ – Özbəkistanın Centrum Air aviaşirkəti ilk uçuşunu həyata keçirir!
“Busaat.az” xarici mənbələrə istinadən xəbər verir ki, 2024-cü ilin 5 may tarixindən etibarən Özbəkistan Respublikasının “My Freighter” (Centrum Air) aviaşirkəti Qazaxıstanın hava nəqliyyatı bazarına daxil olur.
Aviaşirkət Daşkənd–Almatı istiqamətində birbaşa və müntəzəm sərnişin reyslərini həftədə iki dəfə – bazar ertəsi və cümə axşamı günləri həyata keçirəcək. 6 iyundan etibarən isə cümə günləri əlavə reyslə həftəlik uçuş sayı 3-ə çatdırılacaq.
Yeni hava əlaqəsi Qazaxıstan və Özbəkistan arasında ticarət, investisiya, turizm və mədəni sahələrdə əməkdaşlığın daha da möhkəmlənməsinə xidmət edəcək.
Nərmin Səmidova
