
Ronaldo Səudiyyə Ərəbistanına gəlib - 2,5 il müqavilə, 400 milyon avro
37 yaşlı portuqaliyalı hücumçu Kriştiano Ronaldo Səudiyyə Ərəbistanına gəlib.
Busaat.az xəbər verir ki, bu barədə məlumatı “Foot Mercato” yayıb.
Onun dekabrın 31-dək Ər-Riyadın “Əl-Nassr” klubu ilə müqavilə imzalayacağı gözlənilir. Ronaldo 2,5 il müddətinə 400 milyon avro qazanacaq ki, bu da reklam kampaniyalarından əldə olunan gəlirləri əhatə edəcək.
Qeyd edək ki, Noyabrda Ronaldo və İngiltərənin “Mançester Yunayted” klubu onun bu mövsümün sonuna kimi nəzərdə tutulan müqaviləsini ləğv etmək barədə razılığa gəliblər. Ronaldoya Avropa klublarından təklif gəlməyib.
Busaat.az























