Rusiya artıq 2028-ci ildə Aİ ölkələrindən birinə hücum edə bilər, ona görə də İttifaqın üzvləri təkcə müharibənin qarşısını almaq üçün deyil, həm də ona hazırlaşmaq üçün pul xərcləməlidirlər. Busaat.az xəbər verir ki, bunu Avropa diplomatiyasının rəhbəri Kaya Kallas Avropa Müdafiə Agentliyinin (EDA) illik konfransında deyib.
O, milli kəşfiyyat məlumatlarına istinad edərək, Kremlin Aİ-nin müdafiə hazırlığını “3-5 il ərzində” “sınamaq” niyyətində olduğunu bildirib.
Kallas mümkün təcavüz planının təfərrüatlarını təqdim etməyib, lakin xatırladıb ki, Rusiya prezidenti Vladimir Putin yalnız “güc dilini” başa düşür.
Onun fikrincə, Aİ müharibə əvəzinə iqtisadi tərəqqi naminə əməkdaşlığı seçəcəyi ümidi ilə ona həddən artıq çox alternativ təklif etdi, lakin bunun əvəzinə o, imperialist ambisiyaları və militarizasiyanı seçdi.
