Rusiya ordusu Ukraynada müharibənin başladığı 24 fevraldan bəri 100 min 400 əsgər itirdiyini iddia edib.
Busaat.az xəbər verir ki, bunu Ukrayna Baş Qərargahı iddia edib
Baş Qərargahdan verilən yazılı açıqlamada, müharibənin başladığı 24 fevraldan bu yana ümumilikdə 100 min 400 rus əsgərinin öldüyü, son 24 saatda Rusiya ordusundan 660 əsgərin zərərsizləşdirildiyi qeyd edilib.
Açıqlamada, Rusiya ordusuna aid 283 təyyarə, 267 helikopter, 3 min 3 tank, 5 min 981 zirehli texnika, 1 978 top, 413 reaktiv yaylım atəşi sistemi və 212 hava hücumundan müdafiə sisteminin Ukrayna tərəfindən məhv edildiyi bildirilib.
Açıqlamada Rusiya ordusuna aid 4615 avtomobil, 16 gəmi və 1693 pilotsuz uçuş aparatının məhv edildiyi, Rusiya ordusunun atdığı 653 qanadlı raketin də Ukrayna müdafiə qüvvələri tərəfindən vurulduğu bildirilib.
Qeyd edək ki, bu məlumatların tam əksinə Rusiyanın müdafiə naziri Sergey Şoyqu sentyabrın 21-də Ukraynadakı müharibədə sadəcə 5937 rus əsgərinin həyatını itirdiyini açıqlayıb.
Busaat.az
