Rusiya Təhlükəsizlik Şurası Kollektiv Təhlükəsizlik Müqaviləsi Təşkilatının (KTMT) qarşısında duran vəzifələrin həllinə kömək etməyə hazırdır.
Busaat.az xəbər verir ki, bunu Rusiya Təhlükəsizlik Şurasının katibi Nikolay Patruşev Moskvada KTMT-nin baş katibi ilə işgüzar görüşü zamanı bildirib.
“Nikolay Patruşev İmanqali Tasmaqambetovu KTMT-nin baş katibi vəzifəsinə təyin olunması münasibətilə təbrik edib, ona Kollektiv Təhlükəsizlik Müqaviləsi Təşkilatının inkişafı naminə fəaliyyətində uğurlar arzulayıb, həmçinin KTMT katibliyinin qarşısında duran vəzifələrin həyata keçirilməsində köməklik göstərməyə hazır olduğunu bildirib”, – məlumatda deyilir.
Tərəflər bir sıra beynəlxalq problemlərə toxunub, KTMT sərhədləri boyunca vəziyyətlə bağlı fikir mübadiləsi aparıblar. Onlar KTMT-nin nüfuzunun artırılmasına və onun digər beynəlxalq təşkilatlarla qarşılıqlı fəaliyyətinə diqqət yetiriblər.
Həmsöhbətlər 2022-ci ildə KTMT-yə üzv dövlətlərin başçılarının qəbul etdikləri qərarların icrasına da diqqət yetiriblər.
