Pentaqon Qara dəniz üzərində vurulan ABŞ-yə məxsus pilotsuz uçuş aparatının casusluq missiyası daşıdığını təsdiqləyib.
Busaat.az xəbər verir ki, bunu Pentaqonun mətbuat katibi Patrik Rayder çərşənbə axşamı jurnalistlərə bildirib.
“Qara dəniz üzərində Rusiya qırıcısı tərəfindən vurulan MQ-9 pilotsuz uçuş aparatı ISR (müşahidə və kəşfiyyat) missiyasında olub”, – mətbuat katibi deyib.
“Müdafiə Departamenti rəsmiləri yaşanan konkret hadisə ilə bağlı Rusiya hakimiyyət orqanları ilə danışmayıb. Mən bilirəm ki, Dövlət Departamenti insidentlə bağlı narahatlığımızı birbaşa Rusiya hökumətinə çatdırır”, – sözçü əlavə edib:
Dronun silahsız olub-olmadığını soruşduqda, Rayder belə cavab verib: “Mən bu xüsusi təyyarənin xüsusi profilinə girmək fikrində deyiləm, çünki bilirsiniz ki, MQ-9 silahlanma qabiliyyətinə malikdir”.
