Ryabkov: "Rusiyanın Latın Amerikası ilə əlaqələri Qərbin maneələrinə baxmayaraq genişlənir"

Moskva Qərbin yaratdığı maneələrə baxmayaraq, Latın Amerikası və Karib hövzəsi ölkələri ilə əlaqələrini genişləndirməkdə davam edir.

Busaat.az xəbər verir ki, bu barədə Rusiya xarici işlər nazirinin müavini Sergey Ryabkov bildirib.

“Bizim region ölkələri ilə münasibətlərimiz çətin geosiyasi mühitə və kollektiv Qərbin yaratdığı maneələrə baxmayaraq inkişaf etməkdə davam edirvə bir sıra sahələrdə yeni zirvələrə çatırlar”, – Ryabkov söyləyib.

Onun sözlərinə görə, Rusiya regionun bir sıra ölkələri ilə strateji tərəfdaşlığın yeni səviyyəsinə yüksəlib.

“Biz həm ikitərəfli səviyyədə, həm də çoxtərəfli platformalarda fəal əməkdaşlıq edirik. Birləşmiş Millətlər Təşkilatı, 20-lik Qrupu və BRİKS kimi çoxtərəfli platformalarda, həmçinin Latın Amerikası və Karib hövzəsi, Latın Amerikası və Karib hövzəsi dövlətlərinin birliyi ilə inteqrasiya birlikləri ilə sıx əməkdaşlıq etməyə hazırıq”, – diplomat vurğulayıb.

O, həmçinin söyləyib ki, Rusiya regionla Avrasiya İqtisadi İttifaqı (Aİİ) arasında əlaqələrin qurulması səylərini asanlaşdıracaq.