Liviyanın Derna şəhərinin mərkəzi “Daniel” qasırğası səbəbindən palçıq təbəqəsi ilə örtülüb.
Busaat.az xəbər verir ki, “TRT Haber”in müxbiri Fatih Sabuncu məlumat yayıb.
Liviyada minlərlə insanın dənizə sürükləndiyi fəlakətin qurbanlarının sayı günü-gündən artır.
Rəsmi məlumatlara görə, 6 minə yaxın insan həyatını itirib. Lakin itkilərlə bağlı rəsmi qurumlardan ziddiyyətli açıqlamalar var.
Derne meri ölənlərin sayının 20 minə çata biləcəyini bildirib.
11 min 300 can itkisini açıqlayan Birləşmiş Millətlər Təşkilatının Humanitar İşlərin Koordinasiya Ofisi 40 mindən çox insanın evlərindən didərgin düşdüyünü açıqlayıb.
Şəhərdəki sağlamlıq problemlərinə diqqət çəkilib,
Mümkün epidemiyanın şəhərdə ikinci dağıdıcı böhrana səbəb ola biləcəyi vurğulanıb.
