Səna hava limanında uçuşlar bərpa edilib.
Busaat.az bu barədə hava limanının direktoru Xalid əş-Şayif sosial şəbəkədə paylaşım edib.
O bildirib ki, 6 may tarixində İsrailin hava hücumu nəticəsində zədələnmiş hava limanı bərpa olunub və bu gün səhər saatlarında Birləşmiş Millətlər Təşkilatına (BMT) məxsus ilk təyyarə eniş edib.
Əş-Şayif əlavə edib ki, hava limanı tam şəkildə uçuşlara hazırdır və gün ərzində BMT-yə məxsus 10 təyyarənin eniş və qalxışı planlaşdırılır.
Qeyd edək ki, İsrail ordusu 6 mayda Səna şəhərinə hava zərbələri endirmiş və hava limanının tamamilə fəaliyyət göstərməz vəziyyətə düşdüyünü açıqlamışdı. Nəticədə BMT və humanitar yardım uçuşları da dayandırılmışdı. Hazırda həmin reyslər mərhələli şəkildə bərpa olunur.
