Səudiyyə Ərəbistanı zəlzələdən zərər çəkən Mərakeşdə hava körpüsü qurmaq qərarına gəlib.
Busaat.az-ın əldə etdiyi xəbərə görə, bu barədə Səudiyyə Ərəbistanının rəsmi xəbər agentliyi SPA məlumat yayıb.
Mənbə bildirib ki, Kral Salman bin Əbdüləziz və vəliəhd şahzadə Məhəmməd bin Salman Səudiyyə Ərəbistanı zəlzələdən zərər çəkən Mərakeşə axtarış-xilasetmə qrupunun göndərilməsi və müxtəlif yardım materiallarının çatdırılması üçün hava körpüsünün yaradılması barədə göstəriş verib.
Kral Salman Yardım və Humanitar Araşdırmalar Mərkəzinin prezidenti Abdullah bin Əbdüləziz əl-Rabia qeyd edib ki, Mülki Müdafiə Baş Müdirliyinin axtarış-xilasetmə qrupları və Səudiyyə Ərəbistanı Qızıl Aypara Cəmiyyətinin tibbi qrupları Mərakeşə göndəriləcək.
Digər tərəfdən Oman bir xilasetmə qrupu və təcili yardımın Mərakeşə göndəriləcəyini açıqlayıb.
Ölkənin rəsmi xəbər agentliyi ONA-nın məlumatına görə, Omanın sultanı Heysəm bin Tariq axtarış-xilasetmə qrupu və təcili yardım ləvazimatlarının Mərakeşə göndərilməsi barədə göstəriş verib.
