Macarıstanın xarici işlər naziri Peter Sijarto avropalı həmkarlarına Rusiyanın baş diplomatı Sergey Lavrovla görüşmək üçün Nyu-Yorkda BMT Baş Assambleyasından istifadə etməyi tövsiyə edib.
Busaat.az xəbər verir ki, o, bu barədə Facebook səhifəsində videomüraciətində bildirib.
Artıq ABŞ-a gələn Sijarto bu həftənin ikinci yarısında Lavrovla görüşmək niyyətindədir. O, Aİ siyasətçilərini müdriklik göstərməyə və Baş Assambleyadan qarşı tərəflər arasında dialoq platforması kimi istifadə etməyə çağırıb.
“Əlbəttə, mən özüm həmkarım, Rusiyanın xarici işlər naziri ilə görüşəcəm”, – deyən Sijarto belə bir görüşün həftənin ikinci yarısında planlaşdırıldığını bildirib.
“Düşünürəm ki, mümkün qədər çox Qərbi Avropalı həmkarlarımın da bunu etməsi düzgün olardı”, – xarici işlər əlavə edib.
Sijarto sentyabrın 15-də Baş Assambleyanın sessiyası üçün Nyu-Yorka səfərini və Lavrovla gözlənilən görüşünü açıqlayıb və qeyd edib ki, Moskva ilə əlaqə kanallarını açıq saxlamaq, o cümlədən Ukrayna münaqişəsinin həlli yollarını müzakirə etmək lazımdır.
