Birinci Qarabağ Müharibəsində azərbaycanlı əsirlərə işgəncə vermiş və digər cinayətlər törətmiş erməni yaraqlıları Ermənistan vətəndaşları – 1969-cu il təvəllüdlü Mkrtiçyan Lüdvik Mkrtiçoviç və 1967-ci il təvəllüdlü Xosrovyan Alyoşa Aramaisoviçin cinayət işi üzrə məhkəmə istintaqı başlanıb.
Busaat.az-ın xəbərinə görə, proses Yasamal rayon Məhkəməsinin inzibati binasında baş tutub. Cinayət işi üzrə prosesə Bakı Hərbi Məhkəməsinin hakimi Elbəy Allahverdiyevin sədrliyi ilə baxılır. Bu gün baş tutan iclasda prokuror ittiham aktını elan edir.
Qeyd edək ki, cinayət işi üzrə məhkəmənin hazırlıq iclası iyunun 2-də keçirilib.
