İyulun 22-də Rusiya, Türkiyə, BMT və Ukrayna nümayəndələri arasında Ukrayna limanlarından taxıl ixracını təmin etmək üçün imzalanan müqavilə bu gündən etibarən icra olunmağa başlayıb.
Busaat.az beynəlxalq KİV-lərə istinadla xəbər verir ki, müqaviləyə uyğun olaraq, 26 min tondan çox qarğıdalı daşıyan “Razonin” adlı yük gəmisi bu səhər Qara dəniz limanından Livana yola düşüb.
Həmçinin İstanbulda imzalanmış müqavilələrə uyğun olaraq, növbəti günlərdə digər gəmilərin də Ukrayna limanlarından təhlükəsiz dəhlizlərlə yola düşəcəyi bildirilir.
Qeyd edək ki, dünyanın ən böyük taxıl ixracatçıları hesab olunan Rusiya və Ukraynanın taxıl tədarükünü dayandırması, qiymətlərin artmasına və bir sıra ölkələrdə ərzaq qıtlığının yaranmasına səbəb olmuşdu
