
Tokio 2020-nin dəyəri 1,7 trilyon yena olub
Tokio 2020 Olimpiya və Paralimpiya Oyunlarına ümumilikdə 1,7 trilyon yen (12,8 milyard dollar) xərclənib ki, bu da hesablanandan 20 faiz çoxdur.
Busaat.az xəbər verir ki, bu barədə Yaponiya hökuməti yanında Maliyyə Nəzarəti Şurası məlumat yayıb.
Əvvəlki hesablamada müəyyən edilib ki, Yaponiya İdman Şurası turnirin əsas şəhərciyi olan Milli Stadionun tikintisini, həmçinin antidopinq və bəzi təhlükəsizlik xərclərini qeydə almayıb.
Maliyyə Nəzarət Şurası müəyyən edib ki, beynəlxalq turnirə ümumilikdə 1,7 trilyon yen (12,8 milyard dollar) xərclənib ki, bu da komitənin hesabladığından 20 faiz çoxdur.
Yenilənmiş rəqəmdən sonra turnirin təşkilatçılarından biri olan Yaponiyanın mərkəzi hökumətinə düşən xərc 364,1 milyard yenaya (2,74 milyard dollar) qədər yüksəlib.
Qeyd edək ki, Tokio 2020 Olimpiya və Paralimpiya Oyunları 2021-ci ilin yayında Covid-19 səbəbilə bir illik gecikmə ilə keçirilib.
Busaat.az























