Tramp “böyük açıqlamasını” təxirə sala bilər

ABŞ-ın keçmiş prezidenti Donald Tramp 2024-cü il prezident seçkiləri ilə bağlı Noyabrın 15-də Floridada verəcəyi “böyük açıqlama”nı təxirə salmağı düşünür.

Busaat.az xəbər verir ki, bu barədə ABŞ mətbuatında xəbərlər əks olunub.

Xəbərlərə görə, Noyabrın 8-də keçirilən seçkilərdə respublikaçılar ümid etdikləri nəticəni əldə edə bilmədikdən sonra partiya Trampa “böyük açıqlamanı” təxirə salması üçün təzyiq göstərib.

“The Washington Post”da yer alan xəbərlərə görə, Tramp açıqlamanın təxirə salınması tövsiyəsini nəzərə alıb, lakin hələlik yekun qərar verməyib.

Qeyd edək ki, seçkilərdən əvvəl Ohayo ştatında apardığı son kampaniya zamanı Tramp Noyabrın 15-də Floridada 2024-cü il prezident seçkiləri ilə bağlı “böyük açıqlama” verəcəyini açıqlayıb.

Busaat.az