Hindistanda keçiriləcək G20 sammiti və Nyu-Yorkda BMT Baş Assambleyası ərəfəsində Türkiyə taxıl müqaviləsini və Ukraynadakı vəziyyəti müzakirə etmək üçün tərəfdaşlar və maraqlı tərəflərlə təmasları gücləndirdi.
Busaat.az xəbər verir ki, bu barədə Ankaranın siyasi dairələri TASS-a bildirib.
“Türkiyə rəhbərliyi taxıl sazişinin bərpası ilə bağlı danışıqların və diplomatik səylərin intensivliyini davam etdirir. Bu təmaslar xüsusilə G20 ərəfəsində intensivləşib və BMT Baş Assambleyası ərəfəsində daha da intensivləşəcək. Məsələ ilə bağlı müzakirələr və ümumilikdə Ukrayna nizamlanmasına aparan yollar Kiyev-Ankara səviyyəsində davam edəcək”, – mənbə söyləyib.
O, Türkiyə prezidenti Rəcəb Tayyib Ərdoğanın Kiyevə taxıl sazişinə yanaşmanı yumşaltmaq tövsiyəsi fonunda liderlər səviyyəsində Türkiyə-Ukrayna təmaslarının mümkünlüyünü istisna etməyib.
