““F-35” proqramının tərəfdaşlarından biri olmağımıza rəğmən haqsız şəkildə proqramdan çıxarıldıq”.
Busaat.az xəbər verir ki, bunu Türkiyənin xarici işlər naziri Mövlud Çavuşoğlu “CNN Türk”ə müsahibəsi zamanı deyib.
“Ya Türkiyənin “F-35” proqramına geri qaytarılması, ya ödədiyimiz vəsaitin qaytarılması və yaxud başqa məhsulla kompensasiya edilməlidir. ABŞ satmaq istəmirsə, digər variantlar işə düşər”, – deyə Türkiyənin XİN rəhbəri söyləyib.
Onun sözlərinə görə, Türkiyə heç vaxt çarəsiz qalmayıb: “Türkiyə hazırda ehtiyacının 75%-ni istehsal edir. Ehtiyac yarandıqda başqa ölkələrə yönələ bilər. Alternativlərimiz var. Biz yolumuza davam edirik”.
Xatırladaq ki, Ankara 100 ədəd Lockheed Martin “F-35” sifariş versə də, Türkiyənin “S-400” almasından sonra ABŞ Türkiyəni proqramdan çıxarmışdı.
Prezident Rəcəb Tayyib Ərdoğan “F-35”lərin tədarükü üçün ödənilən 1,5 milyard dolları geri almaq niyyətində olduqlarını bəyan etmişdi.
