Türkiyə Super Liqası bu tarixdə başlayırbackend

Türkiyədə yeni tip koronavirusla bağlı təxirə salınan futbol oyunlarının başlama tarixi açıqlanıb.

Yenicag.az xəbər verir ki, məsələ ilə bağlı Türkiyə Futbol Federasiyasının (TFF) prezidenti Nihat Özdəmir açıqlama verib.

“Ölkə üzrə bütün liqalar 12-13-14 iyunda başlayacaq. Əgər pandemiya ilə bağlı hər hansı bir dəyişiklik olmasa, oyunlar bu tarixdə başlayacaq. Ölkədə vəziyyət yaxşılığa doğru dəyişəcəyi təqdirdə, son 4 turda oyunların azarkeşlərlə keçirilə biləcək. İnşallah liqalarımızı iyul ayında yekunlaşdıracağıq. Avqust ayının sonunda da UEFA Çempionlar Liqasının final oyununa ev sahibliyi edəcəyik”.

Qeyd edək ki, Türkiyə Super Liqası XXVI turdan sonra martın 19-da dayandırılıb. TFF mövsümün iyunun 12-də bərpa olunmasını qərara alıb.