Türkiyəin Şirinevler rayonunda binada partlayış olub. Hadisə nəticəsində 2 nəfər ölüb, 4 nəfər yaralanıb.
Busaat.az xəbər verir ki, bu barədə “TRT Haber” məlumat yayıb.
İlkin ehtimala görə, Şirinevlər rayonu Kazım Karabəkir küçəsində yerləşən binanın 5-ci mərtəbəsindəki mənzildə əmələ gələn partlayışa təbii qazın sızması səbəb olub. Hadisə yerinə polis, sağlamlıq və xilasetmə qrupları sövq edilib. Qəza yerinə gedən İstanbul valisi Davud Gül partlayışda 2 nəfərin öldüyünü, 4 nəfərin öldüyünü açıqlayıb.
“Yanğınsöndürmə briqadası yanğını söndürdü. Digər ailələr ictimai qonaq evlərinə və otellərə təxliyə edildi. Digər mənzillərdə zərərin qiymətləndirilməsi davam edir”, – Gül deyib.
Hadisə ilə bağlı araşdırma başladılıb. Bahçelievler Bələdiyyə Başçısı Hakan Bahadır “TRT Haber”-ə verdiyi açıqlamada partlayışın törətdiyi yanğının söndürüldüyünü bildirib.
