Rusiyada sentyabrın 21-də elan edilən qismən səfərbərlik çərçivəsində 300 min nəfərin orduya çağırıldığını qeyd edən Şoyqu səfərbərlik çərçivəsində fəaliyyətlərin tamamlandığını xatırladıb.
Busaat.az xəbər verir ki, Şoyqu hərbi rəsmilərlə görüşdə Rusiya-Ukrayna müharibəsi ilə bağlı açıqlamalar verib.
Poliqonlarda səfərbər olunanların təliminin başa çatmaq üzrə olduğunu qeyd edən Şoyqu bildirib: “87 min nəfər təlim keçdikdən sonra münaqişələrin baş verdiyi bölgələrə göndərilib”.
Payız çağırışları zamanı 120 min nəfərin hərbi xidmətə çağırılacağını bildirən Şoyqu onların münaqişə zonasına göndərilməyəcəyini xatırladıb.
Nazir Şoyqu Rusiya ordusunun Ukraynadakı hərəkətləri ilə bağlı məlumat verib: “Son 2 həftədə 190-dan çox xarici muzdlu döyüşçü öldürülüb, 74 tank, 235 zirehli maşın, 2 HIMARS reaktiv yaylım atəşi sistemi və 268 ağır pulemyot vasitəsi məhv edilib”.
Ukraynanın hərbi infrastrukturuna yüksək dəqiqlikli silahlarla hücumları davam etdirdiklərini bildirən Şoyqu bu hücumların Ukraynanın hərbi potensialını azaltdığını əlavə edib.
Busaat.az
