Məzmuna keç
  • Brent neft92.56 $▼0.51%
  • WTI neft84.77 $▼0.82%
  • Avropa qazı (TTF)86.40 €▲1.08%
  • Təbii qaz (ABŞ)3.181 $▼0.34%
  • Qızıl3 792 $▼0.97%
  • Gümüş46.16 $▼1.49%
  • Pambıq81.30 ¢▼0.06%
  • Buğda605.25 ¢▼0.86%
  • Bitcoin64 599 $▼0.42%
  • Ethereum1 810 $▼0.73%
  • S&P 5007 341▼1.07%
11°Bakı
  • USD1.7000
  • EUR1.8681▼0.0026
  • 100 RUB2.0687▲0.0081
  • GBP2.2436▲0.0009
  • TRY0.0337
  • AED0.4628
  • CNY0.2550
  • GEL0.6553▼0.0003
  • 100 KZT0.3830▲0.0009
  • UAH0.0376▲0.0001
  • 100 JPY1.0681▲0.0003
  • CHF2.0230▼0.0017
  • USD1.7000
  • EUR1.8681▼0.0026
  • 100 RUB2.0687▲0.0081
  • GBP2.2436▲0.0009
  • TRY0.0337
  • AED0.4628
  • CNY0.2550
  • GEL0.6553▼0.0003
  • 100 KZT0.3830▲0.0009
  • UAH0.0376▲0.0001
  • 100 JPY1.0681▲0.0003
  • CHF2.0230▼0.0017
İqtisadiyyat

Un ucuzlaşır, çörəyin qiyməti isə yerində sayır... - Səbəb nədir?

image-c42dde5aff393a4b19f09b3598ea46331641311040_untitled-1-jpg
Xəbərlərimizi Google-da izləyinYeniliklərdən dərhal xəbərdar olunAbunə ol

“Unun ucuzlaşmasına baxmayaraq, çörəyin qiymətinin yerində sayması rəqabət mühitinin olmamasından qaynaqlanır”.

Bunu Qaynarinfo-ya açıqlamasında “Liberal İqtisadçılar” Mərkəzinin sədri Akif Nəsirli son zamanlar unun qiymətində baş verən ucuzlaşmanın çörəyin qiymətinə təsir göstərməməsinin səbəblərindən danışarkən deyib.

“Unun qiyməti bir il müddətində 42-43 manatdan 25-26 manata düşüb. Dünya bazarında buğdanın da qiyməti 40-45 faiz ucuzlaşıb. Hazırda Rusiyadan gətirdiyimiz ərzaq buğdasının bir tonu 200 dollardan (340 manat) da aşağıdır. Bir ton buğdadan 800 kq un alınır. Yerdə qalan 200 kq-dan isə kəpək əldə olunur. Hər ikisini nəzərə alanda unun kilosu 18-19 qəpiyə düşür. Bir kilo undan isə iki ədəd zavod çörəyi alınır. Çörəyin qiyməti isə ən yaxşı halda 60 qəpikdir. Yəni maya dəyərindən 3 dəfə baha satılır. Yaranmış bu vəziyyət rəqabət mühitinin olmamasından qaynaqlanır. Çörək bişirənlər bir-birilə sindiqat razılaşmaya gedərək, ümumi qiymət formalaşdırırlar. Yəni unun ucuzlaşmasına rəğmən çörəyin qiymətinin aşağı düşməməsinin yeganə səbəbi həmin sahədə rəqabət mühitinin olmamasıdır”.

Qeyd edək ki, iyunun 1-dən sonra Azərbaycanda unun qiyməti 14%-ə yaxın ucuzlaşıb. Sonuncu məlumata görə, topdansatış mərkəzlərində 50 kiloqramlıq un kisəsinin qiyməti 27,2-29 manat arasında dəyişir.
50 kiloqramlıq un kisəsini ən ucuz qiymətə – 27,2 manata “Dəvəçi-Taxıl” MMC, ən baha qiymətə – 29,2 manata “Neon” Firması satır.

Halbuki iyunun əvvəlində “Dəvəçi-Taxıl” MMC 50 kiloqramlıq un kisəsini 31,5 manata, “Neon” Firması isə 32,9 manata satırdı.

Məlumat üçün qeyd edək ki, ilin əvvəlindən bu yana Azərbaycanda unun qiyməti təxminən 26%-dən və ya 10 manatdan çox ucuzlaşıb. Belə ki, ötən ilin dekabr ayının sonlarında Azərbaycanda 50 kiloqramlıq unun kisəsi 38-39 manata satılıb.

MüəllifBusaat Media Group

Xəbəri paylaş

busaat.az/?p=114098