Ürək sağlamlığı üçün nə qədər tez-tez pilləkənlərə qalxmaq lazım olduğu məlum olub.
Busaat.az xəbər verir ki, bunu Şərqi İngiltərə Universitetinin alimləri müəyyən ediblər.
Məlumata görə, müntəzəm olaraq lift əvəzinə pilləkənlərdən istifadə ürək-damar xəstəliklərindən ölüm ehtimalını 39% azaldır.
Belə ki, tədqiqat çərçivəsində alimlər 500 min insanın sağlamlığı və fiziki fəaliyyəti ilə bağlı məlumatları təhlil ediblər.
Mütəmadi olaraq pilləkənləri qalxanların hər hansı səbəbdən ölüm riskinin 24%, ürək-damar xəstəliklərindən vaxtından əvvəl ölüm riskinin isə 39% azaldığı müəyyən edilib.
Qeyd olunur ki, pilləkənləri qalxarkən insan bədəni cazibə qüvvəsinə qarşı işləyir.
Bildirilib ki, pilləkənlərlə qalxmaq həm ürək-tənəffüs sistemini, həm də ayaq əzələlərini effektiv şəkildə gücləndirir.
Tədqiqatın nəticələrini şərh edən Klivlend Klinikasından həkim Tamanna Sinqh qeyd edib ki, belə fiziki fəaliyyətin faydalarını yaşamaq üçün yüksək mərtəbələrə qalxmaq lazım deyil.
Hər gün beş-altı pilləkən (50-60 pillə) qalxmağın ürək sağlamlığına əhəmiyyətli faydalar gətirdiyini nəzərə çatdırıb.
