Venesiya gələn ilin yazından bilet sistemini sınaqdan keçirəcək və bir günlük ziyarətçilər İtaliya şəhərinin tarixi mərkəzinə daxil olmaq üçün 5 avro rüsum ödəməli olacaqlar.
Busaat.az xəbər verir ki, bu barədə yerli media məlumat yayıb.
Bildirilib ki, YUNESKO Venesiyanı nəsli kəsilməkdə olan dünya irsi siyahısına əlavə edib.
“Müəyyən dövrlərdə turist axınını tənzimləmək lazımdır, lakin bu, şəhərin bağlı olması demək deyil. Venesiya hər zaman hər kəs üçün açıq olacaq”, – Venesiya meri Luici Brugnaro söyləyib.
Yerli hakimiyyət orqanlarının açıqlamasında bildirilir ki, sakinlər, sərnişinlər, tələbələr və 14 yaşdan kiçik uşaqlar, eləcə də şəhərdə gecələyən turistlər güzəştdən azad eolunacaq.
Uzun müddətdir müzakirə edilən planın hələ sentyabrın 12-də toplanacaq böyük şəhər şurası tərəfindən təsdiqlənməsi lazımdır.
Bir çox detallar, o cümlədən neçə biletin satışa çıxarılacağı hələ də bəlli deyil.
Şəhərin turizm üzrə müşaviri Simone Venturini bildirib ki, yeni sistem Venesiyanı “qlobal pioner” edəcək.
Xatırladaq ki, iki il əvvəl şəhər gündə minlərlə ziyarətçi buraxan və onları limana yönləndirən böyük kruiz gəmilərinə qadağa qoyub.