Milli Məclisin İqtisadi siyasət, sənaye və sahibkarlıq komitəsinin iclasında “Vüqar Emin oğlu İbrahimovun Hesablama Palatasının auditoru vəzifəsinə namizədliyinə dair rəy haqqında” məsələyə baxılıb.
“Report” xəbər verir ki, iclasda komitənin sədri Tahir Mirkişili bildirib ki, Milli Məclisin sədri Sahibə Qafarovanın təqdimatı ilə Vüqar İbrahimovun Hesablama Palatasının auditoru vəzifəsinə namizədliyi irəli sürülüb.
Ötən dövr ərzində Milli Məclis ilə Hesablama Palatası arasında peşəkar əlaqələrin kifayət qədər inkişaf etdiyini vurğulayan Tahir Mirkişili deyib:
“Büdcə layihələrində, onların icrasında, qanun layihələrinə rəy verməkdə, bütövlükdə Hesablama Palatası ilə Milli Məclis arasında məsələlərin müzakirə edilməsində qurumun hazırkı kadr ehtiyatı parlament üçün kifayət qədər vacibdir”.
Hesablama Palatasının aparat rəhbəri vəzifəsində çalışan Vüqar İbrahimov auditor vəzifəsinə təyin edilərsə, indiki vəzifəsindən azad ediləcək və onun yerinə təyinat olacaq.
Xatırladaq ki, Milli Məclisin İqtisadi siyasət, sənaye və sahibkarlıq komitəsinin iclasında “Vüqar Emin oğlu İbrahimovun Hesablama Palatasının auditoru vəzifəsinə namizədliyinə dair rəy haqqında” məsələyə baxılıb. İclasda komitənin sədri Tahir Mirkişili bildirib ki, onun namizədliyini Milli Məclisin sədri Sahibə Qafarova irəli sürüb.
V.İbrahimov Hesablama Palatasında 2007-ci ildən çalışır, 2021-ci ildən isə aparat rəhbəridir.
