Rusiyanın Azərbaycandakı Səfirliyi Bakıdakı Xristian qəbiristanlığında 100-ə yaxın (Rusiya səfirliyi iddia edir – red.) qəbrin dağıdılmasından təəssüflənib.
Busaat.az xəbər verir ki, diplomatik nümayəndəlik hadisəni Telegram-da şərh edib.
“Bu biabırçı aksiyanın miqyasını nəzərə alsaq, bunu təsadüfi xuliqanlıq kimi qiymətləndirmək çətindir. Çox təəssüf ki, bu, tolerantlıq və multikulturalizm siyasəti yürüdən Azərbaycanda baş verib”, – hesabatda deyilir.
Səfirlik əlavə edib ki, əməkdaşları bütün təfərrüatları araşdırmaq üçün hadisə yerinə gedib və hadisəyə operativ reaksiya verdiyinə görə Azərbaycan rəhbərliyinə təşəkkür edib.
Busaat.az
