Yaponiyanın şimal-şərqindəki Miyaqi prefekturasının sahillərində 5,5 bal gücündə zəlzələ baş verib.
Busaat.az-ın məlumatına görə, bu barədə Yaponiya Meteorologiya Agentliyindən bildirilib.
Yerli vaxtla saat 04.33-də və 60 kilometr dərinlikdə baş verən zəlzələdən sonra bölgədə “nəhəng dalğa” xəbərdarlığı edilməyib.
Yeraltı təkan bütün şimal-şərq əyalətlərində, o cümlədən yaxınlıqdakı İvate və Fukuşimada hiss olunub.
Miyaqidə Tohoku Electric Power tərəfindən idarə olunan Onaqava Atom Elektrik Stansiyasında heç bir anormallıq aşkar edilməyib.
NHK ictimai yayımının yerli bələdiyyəyə əsaslanaraq verdiyi məlumata görə, Tohoku, Yamaqata və Akita yüksək sürətli qatar xətlərinin işində heç bir fasilə yaranmayıb.
