Siciliyanın yeganə təbii gölü yox olmaq üzrədir.
Busaat.az bu barədə “Reuters”ə istinadla xəbər verir.
Məlumata görə, quraqlıq səbəbindən Siciliya yeganə təbii su anbarını itirmək riski ilə üzləşir.
Belə ki, göl Adanın mərkəzində, Enna şəhəri yaxınlığındakı təbiət qoruğunun ərazisində yerləşir.
Bildirilib ki, güclü istilər və aylar ərzində yağıntının olmaması fonunda anbarın sahəsi kəskin şəkildə kiçilib.
“Göl artıq yoxdur. Bu gölməçə istisna olmaqla, suyun görünən hissəsi tamamilə yoxa çıxıb”, – Legambiente ətraf mühit təşkilatı bildirib.
Ekspertlərin fikrincə, su anbarının hazırkı vəziyyəti Siciliyada iqlim dəyişikliyinin fəlakətli nəticələrinin göstəricisidir.
Ariz Həsənoğlu
