Astanada keçirilən Qazaxıstan–Çin nəqliyyat forumu çərçivəsində iki ölkənin nəqliyyat nazirləri Marat Qarabayev və Liu Vey yeni razılaşmalara imza atıblar.
Busaat.az xəbər verir ki, forumda 300-dən çox logistika və nəqliyyat sahəsi nümayəndəsi iştirak edib.
Razılaşmaya əsasən:
Rusiya–Qazaxıstan–Çin arasında multimodal tranzit dəhlizi yaradılacaq; Qonayev–İn istiqamətində su yolu açılacaq.
“Maykapşagay–Zimunay” sərhəd-keçid məntəqəsində yük maşınları üçün yeni körpü tikiləcək.
Üçüncü hava dəhlizi və iki yeni avtomobil sərhəd-keçid məntəqəsi açılacaq.
Almatı–Sian istiqamətində sərnişin qatarı istifadəyə veriləcək, həftəlik uçuş sayı 65-ə çatacaq.
Aktau limanında konteyner habı tikilir, limanın gücü 240 min TEU-ya çatdırılacaq.
Layihələrin ilin sonunadək tamamlanması gözlənilir. Bu addımlar Asiya–Avropa yükdaşımalarını sürətləndirəcək.
Nərmin Səmidova
Busaat.az
