Yumaklı: "Afrikaya taxıl tədarükü ilə bağlı razılaşmaların təfərrüatları yaxın günlərdə bilinəcək"

Türkiyə ilə Rusiya arasında ehtiyacı olan Afrika ölkələrinə 1 milyon ton taxıl tədarükü ilə bağlı müqavilələrin təfərrüatları yaxın günlərdə bəlli olacaq.

Busaat.az xəbər verir ki, bu barədə Türkiyənin kənd təsərrüfatı və meşə təsərrüfatı naziri İbrahim Yumaklı “A Haber” telekanalına müsahibəsində bildirib.

“Afrika ölkələrinə taxıl tədarükü Türkiyə prezidenti Rəcəb Tayyib Ərdoğanın Soçidə rusiyalı həmkarı Vladimir Putinlə görüşündə müzakirə olunan məsələlərdən biri olub. Liderlər 1 milyon ton buğdanın Türkiyədə emal edilərək Afrika ölkələrinə tədarük edilməsi barədə razılığa gəliblər. Ərdoğan tərəflərin 1 milyon tonla dayanmayacağına ümid etdiyini bildirib. Həmin razılaşmaların təfərrüatları yaxın günlərdə bəlli olacaq. Bu istiqamətdə hazırlıqlar davam edir”, – Yumaklı söyləyib.