Busaat.az-ın məlumatlna görə, Yunanıstan mətbuatında yer alan xəbərlərə görə, Vrilisiyada bir iş yerində yanğınsöndürmə briqadaları tərəfindən aparılan axtarışlar zamanı yanmış cəsəd tapılıb.
Xəbərdə cəsədin yanğın zamanı itən təxminən 65 yaşlı qadına aid olduğu və ondan xəbər alınmadığı bildirilib.
Səlahiyyətlilər indiyədək 100 min dekardan çox ərazinin yandığını açıqlayıb və Penteli dağı və Marafon gölü bölgəsində bir çox aktiv yanğın nöqtəsinə 702 yanğınsöndürən və 199 avtomobilin müdaxilə etdiyini bildirib.
Xəbərdə indiyə qədər 3 xəstəxana və bəzi monastırların boşaldıldığı öyrənilib.
Məlumata görə, 5 yanğınsöndürən yaralanıb, onlardan ikisi xəstəxanaya yerləşdirilib.
Yunanıstan Xilasetmə Qrupunun sözçüsü Vasilyos Vathrakoyannis qrupların çətin şəraitdə işlədiyini deyərək, vətəndaşlardan təxliyə əmrlərinə əməl etmələrini istəyib.
Xəbərdə Avropa İttifaqının Mülki Müdafiə Mexanizmi çərçivəsində Yunanıstana Fransadan bir helikopter, 28 yanğınsöndürən maşını və 200 yanğınsöndürən, İtaliyadan iki təyyarə və Çexiyadan 75 yanğınsöndürən və 25 nəqliyyat vasitəsinin göndəriləcəyi bildirilib.
Türkiyənin Yunanıstana yanğınla mübarizə aparmaq üçün iki yanğınsöndürmə təyyarəsi və bir helikopter göndərmək üçün səylərə başladığı açıqlanıb.
