Yunanıstanda siyasət, media və iş dünyasından 32 önəmli şəxsin Predator adlı tətbiq vasitəsilə dinlədildiyi iddia edilib.
Busaat.az xəbər verir ki, Documento qəzeti dinləmələrin Yunanıstanın Baş naziri Kiryakos Mitsotakisin məlumatı ilə həyata keçirildiyini bildirib.
Telefon dinləmələri zamanı Yunanıstan Kəşfiyyat İdarəsi (EYP) tərəfindən “Predato” adlı cəsus proqramının istifadə edildiyi bildirilib.
Adı açıqlanmayan mənbələrə əsaslanan xəbərlərdə dinləyici siyahısında siyasət, media və iş dünyasından 32 nəfərin adı yer alıb.
Dinlənilənlərin siyahısına keçmiş Baş nazir Samaras, keçmiş nazirlər Mihalis Xrisohoidis, Olqa Yerovasili, Nikos Dendias, Andonis Yeorgiadis, Vasilis Kikilias, Kathimerini qəzetinin Baş redaktoru Aleksis Papahelas, Müdafiə nazirinin müavini Nikosos, Nazir Christos Staikuras, Əmək naziri Kostis Hacidakis, yerli idarəçilər və müxalifət nümayəndələrinin də adları qeyd olunub.
Xəbərlərdə Miçotakisin yaxın həmkərları ilə yanaşı partiya daxilindəki potensial rəqiblərinin də siyahıda olduğu, bəzi şəxslərin həyat yoldaşlarının və yaxın ətraflarının da telefonlarının dinlənildiyi iddia edilib.
Qeyd edək ki, Beynəlxalq Mətbuat İnstitutu (IPI) Aprel ayında yunan jurnalist Thanasis Kukakisin cib telefonunun 2021-ci ildə 10 həftə ərzində “Predato” adlı proqram ilə izlədiyini bildirib.
Busaat.az
