Zaporojyeyə hücum: 12 nəfər öldü - FOTOLAR
Rusiya qüvvələri Zaporojye şəhərinə hücum edib, nəticədə çoxlu sayda ölü və yaralı var.
Busaat.az xəbər verir ki, bu barədə məlumat Ukrayna ordusundan verilən yazılı açıqlamada bildirilib.
Ukrayna prezidenti Volodimir Zelenski sosial media hesablarından verdiyi açıqlamada hücumda indiyədək 12 nəfərin həyatını itirdiyini, 6-sı uşaq olmaqla 49 nəfərin xəstəxanaya yerləşdirildiyini bildirib.
Zelenski bu hücumu əmr edən və bu əmri yerinə yetirən hər kəsin qanun və xalq qarşısında cavab verəcəyini vurğulayıb.
Digər tərəfdən, hücum nəticəsində bir yaşayış binası tamamilə dağılıb, ətrafdakı bəzi mənzillərə ciddi ziyan dəyib, bir çox nəqliyyat vasitələri yararsız hala düşüb.
Zaporojyanın müvəqqəti meri Anatoliy Kurtev raket hücumunda bəzi mülki evlərin dağıldığını, çoxlu sayda evə ziyan dəydiyini qeyd edib. Kurtev hücumda indiyədək 17 nəfərin həyatını itirdiyini bildirib.
Qeyd edək ki, Rusiya qüvvələri oktyabrın 6-da Zaporojya şəhərinin mərkəzində bir binaya raket zərbəsi endirib. Nəticədə 17 nəfər həyatını itirib.
