Zaxarova: "Ermənistanda Rusiyanı gözdən salmaq məqsədi daşıyan qərbyönlü medianın sayı artır"

Ermənistanda Rusiyanı gözdən salmaq məqsədi daşıyan qərbyönlü KİV-lərin sayı artmaqdadır.

Busaat.az xəbər verir ki, bu barədə Rusiya Xarici İşlər Nazirliyinin sözçüsü Mariya Zaxarova bildirib.

“Ermənistanda ölkəmizi və əlaqələrimizi gözdən salan qərbyönlü media orqanlarının sayının artmasından narahatıq. Biz Rusiyanın regiondakı konstruktiv rolunu şübhə altına alan, tez-tez qarşıdurma xarakterli mənfi xəbərləri qeydə almışıq”, – o, Rusiya Xarici İşlər Nazirliyinin Teleqram kanalında İrəvanda keçirilən Rusiya-Ermənistan media forumuna videomüraciətində söyləyib.

“Təəssüf ki, bəzi erməni KİV-ləri var ki, onlar sadəcə tənqiddən kənara çıxırlar. Lakin bizim dövlətlərarası əməkdaşlıq mexanizmlərimizi, o cümlədən Kollektiv Təhlükəsizlik Müqaviləsi Təşkilatı (KTMT) və Avrasiya İqtisadi İttifaqı (Aİİ ) daxil olmaqla, ümumi əməkdaşlıq mexanizmlərimizi açıq şəkildə şəkildə ləkələyirlər”, – Mariya Zaxarova əlavə edib.