Malta Rusiya Xarici İşlər Nazirliyinin rəsmi nümayəndəsi Mariya Zaxarovanın ATƏT Xarici İşlər Nazirləri Şurasının Vallettada keçiriləcək iclasında iştirak etmək üçün tələb olunan vizasını Latviya, Litva və Estoniyanın etirazları səbəbindən ləğv edib.
Busaat.az “Times of Malta”ya istinadən xəbər verir ki, bu barədə Malta Xarici İşlər Nazirliyi məlumat yayıb.
Məlumata əsasən, vizanın verilməsinə icazə Aİ-yə üzv olan üç ölkənin etirazları səbəbindən ləğv edilib.
Qeyd edək ki, bir müddət öncə Litva Rusiyanın iştirakı ilə Maltada keçiriləcək görüşdə təmsilçiliyinin statusunu aşağı salıb. Ötən il Polşa, Latviya, Litva və Estoniya eyni səbəbdən Şimali Makedoniyada Nazirlər Şurasını boykot etmişdi. Bu il yalnız Litva nümayişkaranə jest etmək qərarına gəlib.
Zeyd Bağırzadə
