“Ukrayna Silahlı Qüvvələri və ölkənin hərbi sənaye kompleksinin nümayəndələri yeni “Ruta” raketini uğurla sınaqdan keçiriblər”.
Busaat.az “Meduza” nəşrinə istinadən xəbər verir ki, bunu Boris Paton adına milli mükafatın təqdimetmə mərasimində çıxışı zamanı Ukrayna Prezidenti Vladimir Zelenski deyib.
O, raketin heç bir texniki xarakteristikasını açıqlamayıb. Ukrayna prezidenti həmçinin 2024-cü ilin avqustunda ilk dəfə döyüş şəraitində istifadə edilən yeni uzaqmənzilli raket “Palyanytsya” pilotsuz təyyarəsinin seriya istehsalına keçdiyini açıqlayıb.
“Eyni zamanda “Peklo” pilotsuz uçan aparatı da döyüşlərdə uğurla istifadə olunub.”Peklo” pilotsuz raketi ilk döyüş istifadəsini uğurla başa vurub. Ukraynada müxtəlif məqsədlər üçün hazırlanmış və istehsal olunan PUA-lar Rusiyaya qarşı müharibədə aktiv istifadə olunur. Onlardan həm cəbhədə, həm də düşmən xəttinin arxasında istifadə olunur”, – deyə Zelenski qeyd edib.
