Rusiya üçüncü ölkələr vasitəsilə sanksiyalardan yan keçərək, müdafiə sənayesində istifadə olunan qərb elektron komponentlərini idxal edir.
Busaat.az xəbər verir ki, bu barədə “The New York Times” yazı dərc edib.
Məqaləyə əsasən, ötən ayın sonunda ABŞ və Avropa İttifaqı rəsmiləri Rusiyaya qarşı sanksiyalardan yan keçərək, milyonlarla ABŞ dolları dəyərində qadağan olunmuş texnologiyalar haqqında məlumat mübadiləsi aparıblar.
Vergi və ticarət orqanlarının rəsmiləri Ermənistan, Qazaxıstan və bir sıra digər ölkələr vasitəsilə Rusiyaya mikrosxemlərin və bəzi digər elektron komponentlərin satışının kəskin artdığını müşahidə ediblər.
Onların bildirir ki, Rusiya həssas mikrosxemlər və digər elektron qurğular əldə edə bilib.Bu Rusiyanın Ukraynaya hücum etdiyi qanadlı raketlərinin yaradılması üçün çox vacibdir.
Məqalədə vurğulanır ki, Amerika və Avropa rəsmiləri Rusiyanın Amerika və Avropa mallarını Ermənistan, Qazaxıstan və bir sıra digər Mərkəzi Asiya ölkələri vasitəsilə qəbul etməsindən getdikcə daha çox narahat olurlar.
Busaat.az
