Dekabrdan bəri Ukrayna ilə müharibədə 20 mindən çox rus əsgəri həlak olub.
Busaat.az xəbər verir ki, bu barədə Ağ Ev məlumat yayıb.
Ağ Ev Milli Təhlükəsizlik Şurasının Strateji Kommunikasiyalar Koordinatoru Con Kirbi gündəlik mətbuat konfransında deyib: “Topladığımız kəşfiyyat məlumatlarına görə, dekabrdan bu yana ruslar 100 min itki verib, bu rəqəmin 80 mini yaralı, 20 mini isə həlak olub”.
Kirbi bildirib ki, 20 min itki verən rus qoşunlarının təxminən yarısı Rusiyanın bütün həbsxanalarından cəlb edilmiş keçmiş cinayətkarlar olan muzdlu Vaqner döyüşçüləridir.
Bir aydır Rusiyanın Donbas bölgəsinə hücum cəhdinin “böyük ölçüdə uğursuzluqla nəticələndiyini” ifadə edən Kirbi Rusiyanın itkiləri ilə bağlı məlumatların ABŞ kəşfiyyatına aid olduğunu bildirsə də, Ukrayna tərəfinin itkilərindən bəhs etməyib.
Kirbi deyib ki, Ukraynanın müdafiəsi hələ də effektivdir: “Rusiyanı marjinal qazanclara böyük vəsait xərcləməyə məcbur edib”.
Busaat.az
