1800-dən çox şəhər və kəndə nəzarəti bərpa etmişik – Zelenski

Ukrayna prezidenti Vladimir Zelenski Rusiya-Ukrayna müharibəsində Rusiya qüvvələri tərəfindən ələ keçirilən 1800-dən çox yaşayış məntəqəsinə nəzarəti bərpa etdiklərini açıqlayıb.

Busaat.az xəbər verir ki, Kiyevdə Ukrayna parlamentindəki çıxışında Zelenski Rusiya-Ukrayna müharibəsi ilə bağlı son hadisələri dəyərləndirib.

Ukrayna xalqının Rusiyaya qarşı davam edən müharibədə dünyaya birlik nümayiş etdirdiyini vurğulayan Zelenski deyib: “Milli rənglərimiz (Ukrayna bayrağının rəngləri) bu gün bütün dünya üçün beynəlxalq şücaət simvoludur”.

Rusiyanın hücumlarına qarşı sədaqətlə mübarizəni davam etdirdiklərini bildirən Zelenski, “Ukrayna mütləq qalib gələcək” – deyə, əminliklə bildirib.

Rusiyanın Ukraynada müharibəyə başlamaqla təkcə Ukraynanı deyil, Qərb ölkələrini də təhdid etdiyini qeyd edən Zelenski əlavə edib: “Qərbdə daha heç kim Rusiyadan qorxmur və qorxmayacaq”.

Busaat.az