2022-ci ildə Ermənistan İqtisadiyyat Nazirliyinə nəzərdə tutulandan az vəsait ayrılıb

2022-ci ilin əvvəlində Ermənistan İqtisadiyyat Nazirliyinə 226,8 milyard dramın ayrılması nəzərdə tutulub, lakin sonradan dövlət büdcəsinə yenidən baxılıb və idarəyə 208,1 milyard dram ayrılıb.

Busaat.az Ermənistan mediasına istinadən xəbər verir ki, bunu maliyyə nazirinin müavini Vahan Sirunyan çərşənbə günü Milli Assambleyanın komitələrinin 2022-ci il dövlət büdcəsinin icrası ilə bağlı birgə iclasında müzakirələr zamanı deyib.

Faktiki olaraq, müvafiq büdcənin icrası 97,3 faiz olmuşdur.

“2021-ci illə müqayisədə büdcə xərcləri 15,9 faiz və ya təxminən 27,8 milyard dram artıb”, – nazir müavini bildirib.

Onun sözlərinə görə, idarə 179 tədbirdən ibarət 21 proqram icra etməli olub və bütün proqramlar, o cümlədən 205 tədbir icra olunub.

Busaat.az