Rusiya Federasiyasının Daxili İşlər Nazirliyi (DİN) 2022-ci ildə 1,5 mindən çox ekstremist yönümlü cinayət və 2,2 mindən çox terror xarakterli cinayət qeydə alıb.
Busaat.az “İnterfaks”a istinadən xəbər verir ki, bu barədə məlumatı Rusiya DİN-in mətbuat xidməti yayıb.
“2022-ci ilin yanvar-dekabr aylarında terror xarakterli 2233 cinayət (+4,5%) və ekstremist xarakterli 1566 cinayət (+48,2%) qeydə alınıb”, – Daxili İşlər Nazirliyinin saytında ötən il cinayətlərin vəziyyətinə dair dərc edilmiş məlumatda deyilir.
Daxili İşlər Nazirliyinin məlumatına görə, cari ildə qeydə alınmış cinayətlərin ümumi sayından 851-i terror xarakterli cinayətlər olub.
2022-ci ildə əcnəbilər və vətəndaşlığı olmayan şəxslər tərəfindən 40,2 min cinayət törədilib ki, bu da 2021-ci illə müqayisədə 10,3 faiz çoxdur.
2022-ci ildə kibercinayətlərin sayı ötən ilin eyni dövrü ilə müqayisədə 0,8% artaraq 522,1 min nəfəri keçib. Belə cinayətlərin demək olar ki, dörddə üçü internetdən (381,1 min; +8,4%), üçdə birindən çoxu (40,8%) mobil rabitə vasitəsi ilə (213 min; -2,1%) törədilib.
